چالاگێ»»
دیدار: شاد محه‌مه‌د
سولین عه‌بدول ره‌حمان قوتابی یه ل و گه‌له‌ك حه‌ز ژ نڤێسینا هه‌لبه‌ستێ دكه‌ت وپشكداری دگه‌له‌ك فیسته‌ڤالاندا كریه و بابه‌تێن هه‌لبه‌ستێن سولینێ گرنگیێ د ده‌نه قوتابی و په‌روه‌ردێ، مه ئه‌ڤ دیداره دگه‌ل
سازكریه.
سنێله: هزرا نڤیسینا هه‌لبه‌ستێ كه‌نگی ده‌ڤ ته په‌یدابوو بابه‌تێن هه‌لبه‌ستێن ته چنه؟
سولین: من زارۆكنیا خۆ ل قوتابخانێ گه‌له‌ك هه‌لبه‌ست خواندن و ئه‌ڤه بۆ ده‌مێ ساله‌كێ یه ئه‌ز دنڤیسم و بابه‌تێن هه‌لبه‌ستێن من ل سه‌ر وه‌لاتی و په‌روه‌ردێ و خواندنێ نه، چونكی خواندن مرۆڤی دگه‌هینته هه‌ر سه‌ركه‌فتنه‌كێ.
سنێله: تا نوكه ته پشكداری دچه‌ند فیسته‌ڤالان دا كریه؟
سولین: من پشكداریا دفیسته‌ڤالێن قوتابخانان داكریه ئه‌ز یا ئێكه‌م ده‌ركه‌تیمه و فیسته‌ڤالێن چالاكیێن قوتابخانان دا كریه، ئه‌ز یا سیێ ده‌رچووم.
سنێله: تۆ ب هه‌لبه‌ستێن كێ داخباری؟
سولین: ئه‌ز گه‌له‌ك گوهێ خۆ دده‌مه هه‌لبه‌ستڤان (سه‌دیق شه‌رو) هه‌لبه‌ستێن وی گه‌له‌ك مفا من ژێ دیتیه.
سنێله: تۆ وه‌ك سنێله‌ك چه‌ند گرنگیێ دده‌یه ده‌مێ خۆ؟
سولین: ژبۆ رێكخستنا هه‌ر كاره‌كی دژیانێ دا دڤێت مرۆڤی گرنگیا ده‌می به‌رچاڤ وه‌ربگریت و ئه‌ز گه‌له‌ك گرنگیێ دده‌مه ده‌مێ خۆ و ده‌مێ من یێ دابه‌شكریه بۆ خواندنا قوتابخانێ و نڤیسینا هه‌لبه‌ستێ.
سنیله: خێزانا ته چه‌ند یا هاریكاره دگه‌ل ته بۆ نڤیسینا هه‌لبه‌ستێ؟
سولین: ئه‌ز گه‌له‌ك سوپاسیا ده‌یكا خۆ دكه‌م گه‌له‌ك پشته‌ڤانا منه و هاریكاریا من دكه‌ت.
سنێله: سولین حه‌ز كیژ ستایلێ جلوبه‌رگان دكه‌ت؟
سولین: جلكێن مه یێن كوردی گه‌له‌ك دجوانن و ئه‌ز هه‌رده‌م وان ل به‌رخۆ دكه‌م، چونكی ئه‌م كورد ب جلكێن خۆ ناڤدارین.
ئه ڤه پارچه‌ك ژ هه‌لبه‌سته‌كا سولینێ
قوتابیمه ئه‌ز
قوتابیمه ئه‌ز زۆر پاكم
خۆگوریكه‌را وه‌لاتیمه ئه‌ز
قوتابیمه ئه‌ز
دێ زمانێ كوردی بكارئینم
دێ هه‌لبه‌ستا ب لاندكا شه‌هیدان یا زێرین ڤه‌هینم
قوتابیمه ئه‌ز
پاشه‌رۆژا ڤی وه‌لاتیمه
ئه‌م خوینكارێن ڤی جڤاكینه
ئه‌م گولێن ڤی باغینه
قوتابیمه ئه‌ز
قوتابیمه ئه‌ز پێشمه‌رگا وه‌لاتیمه
ئه‌ز دێ خوینم دێ زانینێ ب ده‌ستڤه ئینم
زانین روناهیا رێكایه زانین پاشه‌روژا ده‌رگه‌هێ خۆشیایه
نەڤ بابەتە (104) جارا هاتيە خواندن
