چالاگێ»»
ئنستتیوتا دھۆک بۆ رەوشەنبیریا گشتی وەک رێکخرااوەکا جڤاکێ مەدەنی کو ئەڤە زێدەتر ل (١٠) سالانە بێ راوەستیان و ڤەقەتیان کار دکەت و ئەڤە سالەکەژی چەند سەنتەرێن ئافرەتان ڤەکرینە مینا سەنتەرێ شاناز یێ جڤاکی بۆ ئافرەتان ل زاویتە ب مەرەما خزمەتکرنا ئافرەت و کچێن ئاوارە.
د ئەڤێ حەفتیێ دا سەنتەری ئەڤ چالاکی یە ئەنجام داینە:
١/ ڤەکرنا خولەکا کوافێری ل گوندێ ئێمینکێ دەمژمێر (١٠ بۆ ١٢) بۆ (٢٥) ئافرەت و کچان.
٢/ ڤەکرنا خولەکا جوانکاریێ ل گوندێ ئێمینکێ دەمژمێر (١٢ بۆ ٢) پشتی نیڤرو بۆ (٢٥) ئافرەت و کچان.
٣/ ڤەکرنا خولەکا بەرگدورییچ ل گوندێ بەرێ بھار دەمژمێر (١٠ بۆ ١٢) بۆ (٢٥) ئافرەت و کچان.
٤/ ڤەکرنا خولەکا بەگدوریێ ل خیڤەتگەھا زاویتە دەمژمێر (١٢ بۆ ٢) پشتی نیڤرو بۆ (٢٥) ئافرەت و کچان.
ئەڤ خولە رۆژانە ژ لایێ راھێنەران ڤە وانە ب رەنگێ تیوری و پراکتیکی ڤە دھێنە گوتن بۆ ھندێ خزمەتا وان ئافرەت و کچان بھێتەکرن.
دیسان سەنتەری ئەڤ سمینارەژی پێشکەشکرینە.
١- رەوشەنبیریا ساخلەمیا دەروونی ژلایێ (ھناء سەدیق سەعدی ) ڤە ھاتە پێشکەشکرن و چەند ئافرەت و کچان پشکداری د ئەڤێ سمینارێ دا کرن و مفایەکێ مەزن لێ وەرگرت.
٢- ھزرا ئەرێنی ژلایێ (ھناء سەدیق سەعدی ) ڤە بۆ کومەکا ئافرەت و کچان ھاتە شروڤەکرن بۆ ھندێ ھەموو مروڤان ھەموو دەمان پێدڤی ب ھزرا ئەریچنی ھەیە ، ئەڤ بابەتە بۆ وان ببوو جھێ دلخوشیەکا مەزن.
٣- دێ چاوا خو ژ بیرڤەکەی ژ لایێ (ئامینە فوئاد) ڤە ھاتە پێشکەشکرن ، بۆ کومەکا ئافرەت و کچان داکو ھەردەم بگرنژن و خو ژ بیرڤە بکەن ب تایبەت ئەو کاودانێن ب سەرێ وان ھاتین ئەڤ پێ کەنینە ببوو جھێ رازیبوونا وان و داخوازکرن کو ھەردەم ڤان جورە چالاکیان بۆ ئەنجام بدەن .
٤- بەرھنگاربوونا توندوتیژی دژی ئافرەتان ژ لایێ (نارین عدنان) ڤە گەلەک ب جوانی و ب رەنگێ سەرنجراکیچشی بۆ کومەکا ئافرەت و کچان ھاتە بەحسکرن و شرۆڤەکرن کانێ دێ چاوا روو ب روویێ توندوتیژیێ بن.
٥- خوپاراستن ژ ئێشێن ڤەگر ژلایێ (ماجد محمد) ڤە بۆ کومەکا ئافرەت و کچان ھاتە شروڤەکرن و رێکێن خو پاراستنێ ژ ئێشێن ڤەگر ھاتنە شروڤەکرن ، ناڤبری گرنگیا بابەتی بەحسکرن و گوتە پشکداران ئەڤ ورزە گەلەک پێدڤی ب خوپاراستنێ ھەیە.
ھەروەسا درێکا تیم لێدەران و خوبەخشان دا ستافێ سەرەکیێ سەنتەری دگەل چەند حالەتێن (توندوتیژی و دەروونی) روونشتنێن بتنێ ە تایبەت ئەنجام داینە ، داکو بشێن بارۆدوخێ وان چارەسەر بکەن.
ھەر دیسان ب بەردەوامی ب رەنگەکێ مەیدانی سەرەدانا ھەیکەل و خیڤەتگەھان و مالان دھێتەکرن ، بۆ ھندێ ل نێزیک ل رەوشا ئاواران پرسیار بکەن و خزمەتا پێشکەشی وان بکەن.
ھەژی گەتنێ یە ئنستتیوتا دھۆک بۆ رەوشەنبیریا گشتی ل دووڤ پەیرەو و پرۆگرامێ نافخویی و رێنمایێن تایبەت و پێگەھاندن و گەشەپێدانا ستافێ کاری حەفتیانە پلانەکێ بۆ ئەنجامدانا چالاکیان دارێژیت و ل دووڤ ئەوێ پلانێ چالاکیان رێکدئێخیت و خزمەتا وانا ئەنجام ددەت .
دیسان جھێ بیرئانینێ یە کو ئەڤ پرۆژەی ب سپۆنسەریا سندوقا نەتەوێن ئیکگرتی بۆ دانیشتوان ئەڤە نێزیکێ سالەکێ یە دھێتە جێ بەجێکرن.
راگەھاندنا
ئنستتیوتا دھۆک بۆ رەوشەنبیریا گشتی
نەڤ بابەتە (0) جارا هاتيە خواندن
